O‘zbekistonga import sement asosan Tojikistondan olib kirilyapti

2022 yilning yanvar-noyabr oylarida O‘zbekistonga qiymati 87,4 mln AQSh dollariga teng bo‘lgan 2,1 mln tonna sement import qilingan. 

Davlat statistika qo‘mitasi ma’lumotlariga ko‘ra, sement importi hajmi o‘tgan yilning mos davri bilan solishtirilganda 420 ming tonnaga kamaygan. 

2022 yilning 11 oyida oyida O‘zbekiston sement import qilgan asosiy davlatlar orasida Tojikiston birinchi o‘rinni egalladi – 903 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Qirg‘iziston – 623,5 ming tonna;
• Qozog‘iston – 558,6 ming tonna;
• Eron – 17,6 ming tonna;
• Turkmaniston – 12,7 ming tonna;
• Xitoy – 1,4 ming tonna;
• Rossiya – 1,1 ming tonna.