O‘zbekiston va Pokiston o‘rtasida imtiyozli savdo to‘g‘risida bitim tasdiqlandi

Pokiston Islom Respublikasi bilan imtiyozli savdo sohasida hamkorlik qilinadi.

“Xalqaro shartnomani tasdiqlash to‘g‘risida”gi prezident qarori qabul qilindi.

Qarorga muvofiq, O‘zbekiston bilan Pokiston Islom Respublikasi hukumati o‘rtasida imtiyozli savdo to‘g‘risida bitim tasdiqlandi.

Mazkur bitim 2022 yil 3 martda Islomobod shahrida imzolangan.

Investitsiyalar, sanoat va savdo vazirligi hamda Bojxona qo‘mitasi ushbu xalqaro shartnomani amalga oshirish uchun mas’ul bo‘lgan vakolatli organlar etib belgilandi.

Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin O‘zbekistonning majburiyatlari bajarilishini ta’minlaydi.

#Pokiston #savdo