Chirchiqda Harbiy havo kuchlari aviashousi o‘tkazildi – fotoreportaj

Toshkent viloyatida joylashgan poligonda bo‘lib o‘tgan aviaparvozlar davomida harbiylar jangovar va harbiy-transport samolyotlari hamda vertolyotlarda o‘z mahoratlarini namoyish etdi.

Su-25 qiruvchi samolyotlari uchligi samoda O‘zbekiston bayrog‘ini aks ettirdi.

C-295 harbiy-transport samolyotining parvozi.

Shuningdek, H tipidagi hamda MI-24 vertolyotlarning guruh parvozlari taqdim etildi.

MI-171 jangovar vertolyotidan desantchilar parashyut bilan ko‘rgazmali sakrashlarni amalga oshirdi.

Aviashouda qatnashgan mudofaa vaziri o‘rinbosari, HHMQ va Harbiy havo kuchlari qo‘mondoni, general-mayor Ahmad Burhonov ham harbiy vertolyotda murakkab aviachiqishlar ko‘rsatdi.

Shuningdek, tadbirda qo‘l jangi ustalarining chiqishlari, itlar bilan mashg‘ulotlar hamda quruqlikdagi harbiy texnikalar namoyishi ham bo‘lib o‘tdi.

Ochiq osmon ostida o‘tkazilgan shouga barcha qiziquvchilar, harbiylarning yaqinlari va OAV vakillari tashrif buyurdi.

Rasmlar muallifi: Farrux Absattarov