To‘qayev rus tili bo‘yicha xalqaro tashkilot ta’sis etishni taklif qildi

Bishkekdagi MDH davlatlari rahbarlari sammitida Qozog‘iston prezidenti Qosim-Jo‘mart To‘qayev MDH davlatlari negizida rus tili bo‘yicha xalqaro tashkilot ta’sis etish tashabbusi bilan chiqqan.

To‘qayevning tashabbusiga ko‘ra, Rus tili bo‘yicha xalqaro tashkilot to‘g‘risidagi shartnoma imzolanadi. Shartnoma ta’sis etilayotgan tashkilotning huquqiy maqomi, maqsad va vazifalari, shuningdek uning organlari faoliyati tartibiga aniqlik kiritadi.

Tashkilotning bosh maqsadi shartnomaga a’zo davlatlarning rus tilini qo‘llab-quvvatlash va ilgari surish uchun ko‘ptomonlama o‘zaro manfaatli hamkorlikni mustahkamlash ekani ko‘rsatilgan.

Putin bu tashabbusi uchun Qozog‘iston prezidenti To‘qayevga alohida minnatdorlik bildirdi, lekin videoda u bu safar ham Qosim-Jo‘mart Kemelovichning ismi-sharifini to‘g‘ri talaffuz qila olmaganini ko‘rish mumkin.