Donbassda yana evakuatsiya ketmoqda. Urush suratlari

Ukrainada urushning 713-kuni o‘tdi. Asosiy ma’lumotlar:

• Zelenskiy Ukraina qurolli kuchlari tarkibida Pilotsiz tizimlar kuchlarini tuzish to‘g‘risidagi farmonini imzoladi.
• Oliy rada Ukrainada harbiy holat va umummilliy safarbarlikni 13 mayga qadar uzaytirdi. Bu muddatlar o‘ninchi bor uzaytirilmoqda.
• «Kommersant» nashri yozishicha, Putin 23 fevraldan 8 martga qadar bo‘lgan vaqt oralig‘ida Federal kengashga murojaat qiladi.
• Yanvar oyida Rossiyada neftni qayta ishlash hajmi kamaygan. Buning sabablaridan biri — ukrain dronlarining shunday zavodlarga qilingan hujumlari bo‘ldi.
• Moskvada sud yozuvchi Boris Akuninni terrorizmni oqlash ayblovi bilan sirtdan hibsga oldi, Ukraina prezidenti ofisi sobiq maslahatchisi Oleksiy Arestovichga esa terrorizmga chorlov moddasi bo‘yicha shunday chora ko‘rilgan.
• Xarkiv oblastida mehmonxonaga raketa zarbasi oqibatida ikki oylik chaqaloq halok bo‘ldi.

Anneksiya qilingan Qrimda FVV Storm Shadow raketasi parchalarini o‘rganmoqda

Ukraina qurolli kuchlarining Donetsk oblastidagi artilleriyasi 

Donetsk oblastida tinch aholi vakillari evakuatsiyasi