Surxondaryoda hokim yordamchisi soxta hujjat rasmiylashtirib, qariyb 700 mln so‘mni o‘zlashtirdi

U fuqarolardan biri bilan sheriklikda soxta hujjatlar rasmiylashtirib, 11 nafar fuqaro va 1 nafar tadbirkor nomiga kredit olib, talon-toroj qilgan.

Surxondaryo viloyatida hokim yordamchisi soxta hujjatlar orqali katta miqdordagi kredit mablag‘larini o‘zlashtirgan. Bu haqda Bosh prokuratura departamenti xabar bermoqda.

Departamentning Jarqo‘rg‘on tuman bo‘limi tomonidan o‘tkazilgan tergovga qadar tekshiruvda fuqaro N.Sh. hamda tumandagi “I.” MFYda hokim yordamchisi bo‘lib ishlovchi X.M. 11 nafar fuqaro va yakka tartibdagi tadbirkor U.T.ning nomiga soxta hujjatlarni rasmiylashtirish orqali 698 mln so‘m kredit ajratib, ushbu mablag‘larni o‘zlashtirish yo‘li bilan talon-toroj qilgani aniqlangan.

Qayd etilishicha, mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 209-moddasi (mansab soxtakorligi) bilan jinoyat ishlari qo‘zg‘atilib, tergov harakatlari o‘tkazilmoqda.

#Surxondaryo #kredit #hokim yordamchisi