Qoʻshimcha funksionallar
-
Tungi ko‘rinish
Jizzaxda ikki kishi kuydirgiga chalinganlikda gumonlanayotganlik holatiga izoh berildi
Veterinariya va chorvachilikni rivojlantirish qo‘mitasiga ko‘ra, xonadonda so‘yilgan qoramol go‘shti va tuproqdan olingan namunalar tekshiruvlardan o‘tkazilganda kasallik qo‘zg‘atuvchisi aniqlanmagan.
“Markaziy studiya” dasturida Jizzax viloyati, Zafarobod tumani, Yorqin mahallasida yashovchi aka-uka O.A. va H.A. kuydirgi kasalligiga gumonlanib, shifoxonada davolanayotgani xabar qilingandi.
Unda aytilishicha, O.A. daladan qaytgan molini kasal bo‘lganlikda gumon qilib, o‘z xonadonida so‘yadi. Akasi H.A. esa unga yordamlashadi. Oradan bir necha kun o‘tgach ularning tanasida turli yaralar paydo bo‘la boshlagan.
Veterinariya va chorvachilikni rivojlantirish qo‘mitasi holat yuzasidan rasmiy munosabat bildirdi. Ma’lum qilinishicha, holat Veterinariya va chorvachilikni rivojlantirish qo‘mitasi ishchi guruhi tomonidan joyiga borib o‘rganilgan.
O‘rganishlar davomida kuydirgi kasalligiga gumonlangan qoramol go‘shti va tuproqdan namunalar olingan. Namunalar Jizzax viloyati Hayvon kasalliklari tashxisi va oziq-ovqat xavfsizligi davlat markazida mikroskopik, bakteriologik, biologik tekshiruvlardan o‘tkazilganda kasallik qo‘zg‘atuvchisi aniqlanmagan.
Mavzuga oid
17:03 / 22.05.2025
“Shohrux Abdunazarovni majburiy keltirish tadbirlari amalga oshirilmoqda” – Jizzax IIB yuk mashinalari bilan bog‘liq firibgarlik haqida
20:44 / 21.05.2025
Tanzila Norboyeva Jizzaxda korrupsiya holatlari bo‘yicha tanqidiy yig‘ilish o‘tkazdi
17:58 / 21.05.2025
Traktordan “Kamaz”gacha: Jizzaxda odamlar kutilmagan usulda chuv tushirib ketilmoqda
09:27 / 15.05.2025