O‘zbekiston Braziliyaga ilk bor blok-poyezd jo‘natdi
Poyezd yo‘nalishi O‘zbekiston, Turkmaniston, Ozarboyjon va Gurjiston orqali o‘tadi.
2024 yil 11 dekabrda Toshkentdagi First Dry Port Terminal MChJdan Braziliyaga birinchi blok-poyezd yo‘lga chiqdi.
FDP'dan LogiStan'ga ma’lum qilinishicha, poyezdda har birida 28 tonna karbamid bo‘lgan 54 qirq futlik konteyner bor.
Poyezd yo‘nalishi O‘zbekiston, Turkmaniston, Ozarboyjon va Gurjiston orqali o‘tadi. Poti portida konteynerlarni kemaga ortish va dengiz orqali Braziliyaning Paranagua portiga yetkazish rejalashtirilgan, deb tushuntirdi First Dry Port Terminal vakili.
Yuboruvchi – O‘zbekiston kimyo sanoatida eksport-import operatsiyalari bo‘yicha yagona agent bo‘lgan «O‘zkimyoimpeks» kompaniyasi.
Taxminiy yetkazib berish muddati 60 kundan 70 kungacha. O‘zbekistondan Potiga konteynerlar 20 kun ichida yetkazilishi rejalashtirilgan, dengiz yo‘nalishi esa taxminan 35–45 kun davom etadi.
Mavzuga oid

06:02 / 22.06.2025
Braziliyada havo shari qulashi oqibatida sakkiz kishi halok bo‘ldi

21:42 / 18.06.2025
Qo‘shmachi “provodnik”: poyezd kupesi ishratxonaga aylantirilgani aniqlandi

09:53 / 17.06.2025
O‘zbekistonda jazirama sabab poyezdlar harakat tezligiga cheklovlar o‘rnatiladi

11:51 / 13.06.2025