Qoʻshimcha funksionallar
-
Tungi ko‘rinish
Litva armiyasida Rossiya, Belarus va Xitoy fuqarolarining xizmat qilishi taqiqlandi
Litvada milliy xavfsizlikka tahdid uyg‘otadigan davlatlar fuqaroligiga ega shaxslarning harbiy xizmatni o‘tashi taqiqlandi. Agar harbiy xizmatchi Rossiya, Belarus va Xitoy fuqaroligini olsa, u xizmatdan bo‘shatiladi.

Foto: Getty Images
Litva Qurolli kuchlarida Rossiya, Belarus va Xitoy fuqaroligiga ega shaxslarning harbiy xizmatni o‘tashi taqiqlandi. Mamlakat Seymi (parlament) bu boradagi tegishli tuzatishni qabul qildi.
Qayd etilishicha, qonunga kiritiladigan mazkur o‘zgartirish uchun 100 nafardan ortiq deputat ovoz bergan.
Endi hukumat mamlakatga kirishni taqiqlagan davlatlarning fuqarolari professional harbiy xizmat, Ko‘ngilli kuchlar xizmati yoki doimiy bo‘lmagan boshqa turdagi harbiy xizmatlarga, shuningdek, majburiy harbiy xizmatga qabul qilinmaydi. Agar Qurolli kuchlarda xizmat qilayotgan shaxs yuqorida mamlakatlar fuqaroligini olsa, xizmatdan bo‘shatiladi.
Litva hukumati professional harbiylar mamlakat milliy xavfsizligiga tahdid uyg‘otuvchi davlatlar, xususan, Rossiya, Belarus va Xitoyga xizmat yuzasidan tashqari tashrif buyurishlari mumkin emasligini tasdiqladi.
Shu kunga qadar Litva qonunchiligida qo‘shfuqarolikka ega shaxslarning Qurolli kuchlarda xizmat qilishi taqiqlanmagan edi.
Avvalroq Litva ham Estoniya hukumati ortidan Gurjiston rahbariyatiga qarshi sanksiyalarni kengaytirgandi. Bunga mamlakatda davom etayotgan norozilik namoyishlari kuch bilan bostirilayotgani sabab bo‘lgan.
Mavzuga oid

07:43
Harbiy xizmatga chaqiriluvchilarni tanlab olish shaffof bo‘ladi

20:09 / 09.07.2025
Litva va Finlandiya piyodalarga qarshi minalar ishlab chiqaradi

23:47 / 08.07.2025
Interpol firibgarlik uchun qidiruvda bo‘lgan O‘zbekiston fuqarosini Litvada qo‘lga oldi

15:57 / 07.07.2025