Malida noqonuniy oltin shaxtasi qulashi tufayli 48 kishi halok bo‘ldi

Mali g‘arbida noqonuniy oltin qazib olishga mo‘ljallangan shaxtaning qulashi oqibatida kamida 48 kishi halok bo‘ldi. Bu haqda mahalliy politsiyadagi manbalariga tayanib The Guardian xabar berdi.

Agentlik suhbatdoshining so‘zlariga ko‘ra, mazkur voqea oldinlari Xitoy kompaniyasiga tegishli bo‘lgan tashlandiq konda yuz bergan. Manbalarning qayd etishicha, halok bo‘lganlarning asosiy qismi ayollardir. Ekologiya tashkiloti rahbarining ma’lum qilishicha, qurbonlarni qidirish ishlari davom etmoqda.

Agentlikning ta’kidlashicha, ko‘plab insonlarning o‘limiga olib keladigan bu kabi holatlar tog‘-kon obektlaridagi noqonuniy faoliyatlar tufayli tez-tez sodir bo‘lib turadi.

Mali — oltin qazib olish hajmi bo‘yicha Afrikada to‘rtinchi o‘rinda turadi. Mamlakat oltin, temir rudasi, marganets, litiy va uranning ulkan zaxirasiga ega. 2024 yil yanvarda Mali janubi-g‘arbidagi Kangaba hududida joylashgan oltin koni tunneli qulab tushgandi. O‘shanda hodisa oqibatida 73 kishi halok bo‘lgan.

Eslatib o‘tamiz, 2025 yil yanvari boshlarida Samarqand viloyatidagi «Qoraqo‘ton» tog‘ konidagi shaxtadan toshlarni kovlab olayotgan 5 kishi generatordan chiqqan gazdan zaharlangan, ularning 2 nafari voqea joyida vafot etgandi.