Qoʻshimcha funksionallar
-
Tungi ko‘rinish
Murakkab vaziyatda qolgan mehnat migrantlariga moliyaviy yordam miqdori oshirildi
Xorijiy davlatlarda vaqtincha mehnat faoliyatini olib borayotgan fuqarolarni moddiy va ijtimoiy qo‘llab-quvvatlash kuchaytiriladi.

Foto: Sputnik / Pavel Lisitsyn
«O‘zbekiston Respublikasi fuqarolarini xorijda tashkillashtirilgan tartibda ishga joylashtirish tizimini yanada takomillashtirish chora-tadbirlari to‘g‘risida»gi hukumat qarori qabul qilindi.
Unga ko‘ra, mehnat migratsiyasida bo‘lgan davrda murakkab moliyaviy vaziyatda qolgan fuqarolarga ajratiladigan bir martalik moddiy yordam puli miqdori bazaviy hisoblash miqdorining 2 barobaridan 5 barobarigacha oshirildi.
Shuningdek, vaqtinchalik yashash joyisiz qolgan fuqarolarning vaqtinchalik yashash joylariga (xostel) joylashtirish bilan bog‘liq xarajatlar 300 AQSh dollaridan, 500 AQSh dollargacha oshirildi.
Shu bilan birga, xorijiy davlatlarga tashkiliy tarzda vaqtinchalik mehnat faoliyatini amalga oshirish maqsadida ketayotgan fuqarolarning hayoti, sog‘lig‘i va boshqa tavakkalchiliklarini sug‘urtalash bo‘yicha sug‘urta mukofoti o‘rnini qoplash 300 ming so‘mgacha, og‘ir turdagi kasalliklarga chalingan va baxtsiz hodisalarga uchragan fuqarolarning davolanish bilan bog‘liq xarajatlari 1000 AQSh dollaridan, 1500 AQSh dollargacha oshiriladi.
Murakkab moliyaviy vaziyatda qolgan barcha ayollar va ularning voyaga yetmagan farzandlari beg‘araz tarzda Vatanga qaytariladi.
Mavzuga oid

15:12 / 08.07.2025
Xorijdan qaytgan fuqarolar OIV infeksiyasiga majburiy tekshiruvdan o‘tkaziladi

14:52 / 08.07.2025
Nijniy Novgorod aeroportida migrantlarni markirovka qilish boshlandi

18:58 / 01.07.2025
Turkiya deportatsiya markazlarida bo‘lib turgan 50 nafar o‘zbekistonlik ayol vatanga qaytarildi

12:20 / 30.06.2025