Rossiya biznesi Kuba iqtisodiyotiga 1 mlrd dollardan ortiq sarmoya kirityapti

Rossiya biznesi Kuba iqtisodiyotiga 1 milliard dollardan (888 million yevro) ortiq sarmoya kiritmoqda. Bu haqda 8 may, payshanba kuni Rossiya bosh vaziri o‘rinbosari Dmitriy Chernishenkoga tayanib, Reuters agentligi xabar berdi. Uning so‘zlariga ko‘ra, Rossiya Kuba iqtisodiyotiga sarmoya kiritishdan manfaatdor bo‘lgan korxonalarga subsidiyalar ajratadi va uni «ishonchli hamkor» deb atadi. To‘lov shartlari ko‘rsatilmagan.

2023 yil noyabr oyida Rossiya va Kuba o‘rtasida 2030 yilgacha bo‘lgan savdo-iqtisodiy hamkorlik dasturi imzolandi. Shundan so‘ng Chernishenkoning idorasi savdo-iqtisodiy, ilmiy-texnikaviy sohalardagi hamkorlikni kengaytirish, savdo va sarmoyani rag‘batlantirish hamda ikki mamlakat ishbilarmon doiralari o‘rtasidagi aloqalarni mustahkamlash nazarda tutilganini aniqlashtirdi.

«Ushbu reja doirasida Rossiya kompaniyalari va ishbilarmonlari o‘z xohish-istaklarini bildirdilar va Kuba iqtisodiyotiga 1 milliard dollardan ortiq sarmoya kiritishga tayyor ekanliklarini tasdiqladilar, - dedi Rossiya bosh vaziri o‘rinbosari. - Oldinda hali juda ko‘p mashaqqatli ishlar bor, biz asta-sekin olg‘a siljib boramiz», - dedi Chernishenko.