Qoʻshimcha funksionallar
-
Tungi ko‘rinish
Yevropa Ittifoqining navbatdagi sanksiyalar paketiga O‘zbekiston kompaniyalari kiritilishi mumkin – OAV
Rossiyaga qarshi sanksiyalar paketiga Xitoy, BAA, Turkiya, Serbiya, Vetnam va O‘zbekiston kompaniyalari kiritilishi kutilmoqda.
Foto: Bloomberg
Yevropa Ittifoqiga a’zo bo‘lgan davlatlarning elchilari Rossiyaga qarshi 17-sanksiya paketini oldindan kelishib oldi. Ular Rossiyaning «maxfiy floti» tarkibiga kiruvchi kemalar, shuningdek, Xitoy, BAA, Turkiya, Serbiya, Vetnam va O‘zbekistondagi kompaniyalarga ta’sir qiladi. Bloomberg va Financial Times (FT) xabarlariga ko‘ra, ushbu kompaniyalar energiya sotishdagi cheklovlarni chetlab o‘tishga yordam bermoqda.
FT ma’lumotlariga ko‘ra, 149 ta tanker va 60 ta kompaniyaga cheklovlar qo‘yiladi. Ularning nomi xabarda keltirilmagan.
Sanksiyalar paketining rasman tasdiqlanishi kelasi hafta kutilmoqda.
«Bu chora-tadbirlar Moskvaga bosimni saqlab qolishga qaratilgan, shu bilan birga Yevropa AQSh prezidenti Donald Trampning o‘t ochishni to‘xtatish bo‘yicha vositachilik urinishlari hozircha unchalik muvaffaqiyat bermaganidan so‘ng, muzokaralardan chiqib ketishidan xavotirda», deyiladi xabarda.
Eslatib o‘tamiz, agar Moskva o‘t ochishni to‘xtatishdan bosh torsa, YeI Rossiyaga qarshi navbatdagi sanksiyalar paketini e’lon qilmoqchi.
Mavzuga oid
21:01
Tramp Rossiyaga Ukraina bilan kelishuvga erishish uchun 50 kun muhlat bermoqchi
20:19
Rossiya sudi yozuvchi Boris Akuninni sirtdan 14 yillik qamoqqa hukm qildi
19:03
Putin Trampga Rossiya yaqin orada Ukrainadagi hujumlarini kuchaytirishini aytdi – OAV
18:16