Qoʻshimcha funksionallar
-
Tungi ko‘rinish
O‘zbekistonda modernizatsiya qilingan T-64 tanki namoyish etildi
Tankning bazaviy T-64B sovet tankidan asosiy farqi yangi kompozit zirh va 950 ot kuchiga ega Doosan DP222LC dvigateli ekani ta’kidlanmoqda.
O‘zbekistonda o‘tkazilgan MSITF-2025 mudofaa texnologiyalari festivalida T-64B sovet tankining modernizatsiya qilingan versiyasi namoyish etildi. Bu haqda Rossiyaning «Strategiya va texnologiyalarni tahlil qilish markazi» xabar berdi.
Markaz fikriga ko‘ra, tank Janubiy Koreya kompaniyalari ko‘magida modernizatsiya qilingan bo‘lishi mumkin. Tankning bazaviy T-64B tankidan asosiy farqi yangi kompozit zirh va 950 ot kuchiga ega Doosan DP222LC dvigateli ekani ta’kidlanmoqda.
Yangi dvigatel avvalgi 700 ot kuchiga ega 5TDF dvigateli o‘rniga o‘rnatilgan. Tank shuningdek, avtomatik transmissiyani ham oldi. Og‘irligi 40 tonna bo‘lgan mashina 65 km/s tezlikda harakatlanadi.
Asosiy T-64B sovet tanki 1976 yildan boshlab ishlab chiqarilgan. Mashina 125 mm kalibrli 2A46M-2 silliq nayli pushka va pulemyotlar bilan qurollangan. Tankning himoyasi po‘lat va shisha tolali ko‘p qatlamli zirh bilan ta’minlanadi.
