Afsonaviy Alanyaga borish endi oson: Toshkent–Alanya yo‘nalishida to‘g‘ridan to‘g‘ri reys yo‘lga qo‘yildi

Toshkent–Alanya yo‘nalishida ilk marotaba to‘g‘ridan to‘g‘ri reys yo‘lga qo‘yildi. Bungacha Asialuxe Travel turoperatorining to‘g‘ridan to‘g‘ri reyslari orqali Antaliyaga uchib, so‘ngra mashinada Alanyaga borish mumkin edi.

12 iyun kunidan e’tiboran tarixda birinchi marta Toshkent–Alanya yo‘nalishida to‘g‘ridan to‘g‘ri reys amalga oshirildi. Ushbu ahamiyatli voqea O‘zbekiston va Turkiya o‘rtasida xalqaro aviatashuv va turistik almashinuvni rivojlantirishda muhim qadam bo‘ldi.

Ushbu aviatashuv “Uzbekistan Airways” kompaniyasi va “Asialuxe Travel” turoperatorining hamkorligi natijasida amalga oshdi. Ushbu tashabbus turistik imkoniyatlarni kengaytirish va sayohatchilar uchun maksimal darajada qulay sharoitlarni yaratishga qaratilgan.

Toshkent–Alanya–Toshkent yo‘nalishida parvozlar oldin amalga oshirilmagan. Parvozlarni amalga oshirish uchun “Uzbekistan Airways” aviakompaniyasi tomonidan barcha kerakli ruxsatnomalar olingan, yozgi tarkib esa ushbu mintaqada va aerodromda parvozlarni amalga oshirish uchun to‘liq tayyorlovdan o‘tdi.

“Aviakompaniyamiz Alanyaga birinchi bo‘lib reys yo‘lga qo‘yganidan faxrlanamiz. Bu katta va mashaqqatli mehnat natijasidir: ruxsatnomalar olishdan boshlab ekipajni tayyorlashgacha. Reys ommabop bo‘lishiga va kelgusida mamlakatlar o‘rtasida turizmning rivojlanishiga turtki bo‘lishiga ishonamiz”, deya izoh berdi “Uzbekistan Airways” kompaniyasining vakili.

Parvozlarni butun yozgi mavsum davomida amalga oshirish rejalashtirilgan. Yangi yo‘nalish sayyohlarga Turkiyada dam olishni qulay va moslashuvchan sharoitlarda rejalashtirishga imkon beradi.

“Alanya bu – shunchaki kurort emas, bu hissiyotlar, quyosh va turkcha mehmondo‘stlik. Yangi reys minglab o‘zbekistonliklar uchun dam olishni hamyonboproq va yoqimliroq qilishiga ishonchimiz komil”, deyiladi “Asialuxe Travel” xabarida.

Birinchi reys tantanali ravishda amalga oshirildi: yo‘lovchilar orasida sayyohlar bilan bir qatorda turizm sohasi va OAV vakillari ham bor edi.

Ushbu reysning boshlanishi nafaqat muhim logistik qadam, balki O‘zbekiston va Turkiya o‘rtasida turizm, transport va xalqaro hamkorlik o‘sib borayotganining timsoli ham bo‘ladi.

Alanya – O‘rtayer dengizi sohilida joylashgan kurort shahar bo‘lib, ajoyib tabiati, plyajlari va rivojlangan turistik infratuzilmasi bilan mashhur. Yangi to‘g‘ridan to‘g‘ri reys O‘zbekistonliklarga yozgi dam olishda talab katta bo‘lgan yo‘nalishlardan biriga tez va qulay yetib olish imkonini beradi.

Jazirama kunlarda dengiz qirg‘og‘ida sayr qilishni xohlagan yurtdoshlarimizni Alanyaga borishlarini tavsiya qilamiz. Bu yo‘lda sizga Asialuxe Travel turoperatori yaqindan yordam beradi. 

Sarvar Ziyoyev,
Kun.uz
Montajchi – Sardor Mamirov.