Muhandislik-kommunikatsiya tarmoqlari kollektorlaridan foydalanish qoidalari belgilandi

Hujjat muhandislik-kommunikatsiya kollektorlarini loyihalashtirish va konstruksiyalash tartibini, ularni joylashtirish, ishlatishga bo‘lgan texnik talablarni, shuningdek ta’mirlash ishlarini olib borishni belgilaydi.

Qoidalar muhandislik-kommunikatsiya tarmoqlari uchun mo‘ljallangan kollektorlarni yaratish va ekspluatatsiya qilishning barcha bosqichlarida va ular tarkibidagi elementlarni (obektlarni), jumladan ma’muriy-maishiy xonalar, dispetcherlik punktlari, nasos stansiyalari, alohida elektr shit xonalari, avtomatik nasos stansiyalari kameralari, drenaj inshootlari va boshqa obektlarni saqlash kerak.

Shahar va qishloq qurilishi sharoitida muhandislik va kommunikatsiya tarmoqlari kollektorlarini yaratish va joylashtirishga bo‘lgan umumiy talablar «Qurilishda xavfsizlik texnikasi» shaharsozlik normalari va qoidalariga muvofiq belgilanadi.

Xususan, kollektorlarning ichki muhandislik uskunalari quyidagilarni ta’minlashi kerak:

• muhandislik-kommunikatsiya tarmog‘i kollektorlarining avariyasiz ekspluatatsiyasi;
• sanitariya normalari va qoidalariga muvofiq xodimlar xavfsizligini ta’minlash;
• kollektorlar va ulardan o‘tadigan muhandislik-kommunikatsiya tarmoqlarini ekspluatatsiya qilishda mehnat muhofazasi talablariga rioya etish;
• resurslar va energiyadan foydalanish samaradorligini ta’minlash.