Tramp Janubiy Koreya bilan savdo kelishuvi haqida e’lon qildi

AQSh prezidenti Donald Tramp o‘z mamlakati va Janubiy Koreya Koreya importiga 15 foizlik tariflar bilan yangi savdo shartlari bo‘yicha kelishuvga erishganini ma’lum qildi. Amerika Qo‘shma Shtatlari uchun Janubiy Koreyaga import bo‘yicha hech qanday tariflar nazarda tutilmagan. Tramp avvalroq Janubiy Koreya importiga 25 foizlik bojlar joriy etish bilan tahdid qilgan edi.

«Biz Janubiy Koreya uchun 15 foizlik boj bo‘yicha kelishib oldik. Amerika uchun bojlar bo‘lmaydi... Janubiy Koreya AQSh bilan savdo qilish uchun to‘liq ochiq bo‘ladi va Amerika mahsulotlari, jumladan, yengil avtomobillar, yuk mashinalari, qishloq xo‘jaligi mahsulotlari va boshqalarni olib kirishga ruxsat beradi», deb yozdi Amerika prezidenti Truth Social ijtimoiy tarmog‘ida.

Uning so‘zlariga ko‘ra, kelishuv Qo‘shma Shtatlarga 350 milliard dollarlik sarmoyani kafolatlaydi, u Qo‘shma Shtatlarga tegishli bo‘ladi va nazorat qilinadi. Seul, shuningdek, AQShdan 100 milliard dollarlik energiya resurslarini sotib olish majburiyatini oladi.

Janubiy Koreya prezidenti Li Chje Myon kelishuvni olqishladi. «Ushbu kelishuv bilan hukumat eksport sektoridagi noaniqlikni bartaraf etdi va kompaniyalarimiz yirik jahon iqtisodiyotiga qaraganda bir xil yoki yaxshiroq sharoitlarda raqobatlasha oladigan muhit yaratdi», — deb yozdi u Facebookʼdagi sahifasida. Li kelishuv nafaqat ikki davlat o‘rtasidagi sanoat kooperatsiyasini mustahkamlashga, balki Seul va Vashington o‘rtasidagi ittifoqni yanada mustahkamlashiga umid bildirdi.