Зидан: Бизни оғир мавсум кутиб турибди, яна «Барса» билан рақобат

«Реал» бош мураббийи Зайниддин Зидан Испания суперкубоги учун «Барселона»га қарши ўтказилган жавоб учрашуви (2:0) ҳақида ўз фикрларини билдириб ўтди. У нафақат 4-дақиқадаёқ гол урган Марко Асенсионинг, балки барча шогирдларининг ўйинидан қониққанини маълум қилди.

«Бу ўйинда нафақат Асенсио, балки барча яхши ҳаракат қилди. Биз мавсумни яхши бошладик ҳамда иккита Суперкубокни қўлга киритдик. Баҳснинг биринчи бўлими томошабоп бўлди, биз жуда шиддатли ўйнадик ва тўп билан яхши ҳаракатландик. Иккинчи таймда рақиб бироз қийинчилик туғдирди, бироқ натижадан хурсандмиз.

«Барселона» билан рақобат? Бу Примерада яна бошланмоқда, бизни оғир мавсум кутиб турибди», - дея франциялик мутахассис сўзларини келтиради AS нашри.