Обамали печенье. Кичик Трамп кутилмаган фотосуратни эълон қилди

АҚШ етакчисининг ўғли кичик Дональд Трамп Instagram’даги саҳифасида Қўшма Штатлар собиқ президенти Барак Обаманинг юзи тасвирланган катта печеньени ушлаб турган фотосуратини эълон қилди.

«Менинг дўстларим шундай қарорга келишдики, гарчи менинг туғилган куним бир неча ҳафтадан кейин бўлса ҳам, улар менга 40 ёшга тўлишим муносабати билан ажойиб печеньени совға қилишди. Қандай туғилган кун Обамали печеньесиз ўтади?» - дея ёзган кичик Трамп.

Шунингдек, унинг таъкидлашича, бу совғани сенатор Тед Круз билан баҳам кўриш ҳақида қарор қабул қилган.

Эслатиб ўтамиз, аввалроқ АҚШ президенти Дональд Трамп мамлакатга иммиграцион виза лотереяси орқали келаётган одамларни ўз жамиятларининг “ёмонлар ичидаги энг ёмони”, деб атади ҳамда бу механизмни бекор қилишга чақирганди.