«Челси» Лондон дербисида тўхтатилди

Англия чемпионатининг 6-тур учрашувлари доирасида «Челси» сафар ўйинида очко йўқотди.

«Олимпийский стадион»да «Вест Ҳэм»га қарши кечган Лондон дербиси мақомидаги учрашув голсиз дуранг билан якунланди.

Шу тариқа, Маурисио Сарри жамоаси ўзининг 5 учрашув давом этган ғалабали сериясини тўхтатди ва мавсумда илк марта очко йўқотиб, турнир жадвалида «Ливерпуль»га етиб олиш имкониятидан маҳрум бўлди.

Эндиликда «Челси» 16 очко тўплаган ҳолда турнир жадвалининг учинчи ўрнига тушиб кетган. Биринчи ва иккинчи ўринларда «Ливерпуль» (18 очко) ҳамда «Манчестер Сити» (16 очко) жойлашган, «шаҳарликлар»да тўплар нисбати яхшироқ (+10) бўлгани эвазига «Челси» (+5) учинчи ўринда қолган. Мавсумни қаторасига 4 мағлубият билан бошлаган «Вест Ҳэм» эса кейинги икки турда 4 очко олган ҳолда 17-ўринда қолмоқда.

Кейинги турда Маурисио Сарри жамоаси «Ливерпуль»ни, Мануэль Пеллегрини шогирдлари эса «Манчестер Юнайтед»ни қабул қилади. Икки учрашув ҳам 29 сентябрь кунига белгиланган.

Англия чемпионати
6-тур
Вест Ҳэм – Челси 0:0
Вест Ҳэм – Фабианьски, Бальбуэна, Диоп, Масуаку, Райс, Нобл, Обианг, Фелипе Андерсон (Снодграсс, 74), Антонио (Перес, 65), Ярмоленко, Сабалета.
Челси – Аррисабалага, Рюдигер (Кэйхилл, 69), Алонсо, Аспиликуэта, Давид Луиз, Ковачич (Баркли, 79), Жоржиньо, Виллиан, Канте, Азар, Жиру (Мората, 65).
Огоҳлантиришлар: Канте (50), Фелипе Андерсон (52), Снодграсс (90).