Путин ва Лукашенконинг чанғи учиши тасвирланган видео пайдо бўлди

Россия ва Беларусь етакчилари Владимир Путин ҳамда Александр Лукашенконинг чанғида учиши тасвирланган видео пайдо бўлди. Бу ҳақда РИА «Новости» хабар қилмоқда.

Аниқлик киритилишича, президентларнинг тоғ-чанғи трассасида пайдо бўлиши сайёҳларни жуда ҳайратга солган.

Путин трассанинг сифатини баҳолаган, шунингдек, марказга ташриф буюрган кишилардан бири билан суҳбатда чанғини сноуборддан яхшироқ деб ҳисоблаши ҳақида айтиб ўтган.

Шу билан бирга, президент вақти келиб сноубордда ҳам ўзини синаб кўриш истаги борлигини билдирган.

Аввалроқ, Беларусь етакчиси курортни мақтагани ва Сочини ўз уйи деб билиши ҳақида хабарлар тарқалганди.

Эслатиб ўтамиз, бундан аввал Лукашенко Беларусга Ғарб ва Шарқдан таҳдид борлиги ҳақида огоҳлантирганди.