Трамп Зеленскийни Вашингтонга таклиф қилди

Фото: Reuters

Украина президенти Владимир Зеленский АҚШ президенти Дональд Трампдан расмий ташриф билан Вашингтонга келиш тўғрисида таклиф олди. Бу маълумотни Украина президенти маъмурияти тасдиқлади.

"Украина президенти Владимир Зеленский Вашингтонга расмий ташриф буюриш ҳақидаги таклифи учун Америка Қўшма Штатлари президенти Дональд Трампга миннатдорлик билдирди", - дейилади Украина президенти матбуот хизмати хабарида.

Аввалроқ "Зеркало недели" нашри ўз манбаларига таяниб Трамп ва Зеленский учрашуви чоғида "Донбассдаги низони ҳал қилиш ҳамда бизнес лойиҳалар тўғрисида мулоқот бўлиб ўтиши" ҳақида ёзганди.

Нашрнинг маълумот беришича, Зеленский Трампдан таклифномани 31 май куни олган.

#Трамп #ташриф #Зеленский