Коронавирусга қарши кураш: Дунё ниқоблар ортига яширинди

31 январь куни Жаҳон соғлиқни сақлаш ташкилоти (ЖССТ) 2019-nCoV коронавирусининг тарқалишини халқаро даражадаги тиббий фавқулодда ҳолат деб эълон қилди. Сўнгги маълумотларга кўра, Хитойда вирусдан зарарланиш оқибатида камида 259 киши ҳалок бўлган, 11 791 минг киши вирусни юқтириб олган, уларнинг 1795 нафари оғир аҳволда. Вирусдан зарарланиш ҳолатлари Хитойдан ташқари 23 давлатда аниқланган.

ЖССТ баёнотида айтилишича, коронавирус тарқалишининг олдини олиш учун вирусни эрта босқичда аниқлаш, вирусни юқтириб олганларни изоляция қилиш ва улар кимлар билан алоқада бўлганини кузатиш чораларини қўллаш керак бўлади. Вирусдан зарарланишнинг асосий белгилари - ҳарорат кўтарилиши, йўтал ва нафас олишнинг қийинлашишидир.

Ваҳимали хабарлар фонида тиббий ниқобларга эҳтиёж ниҳоятда ортиб кетган. Интернет дўконлар бир неча кун ичида бир неча юз миллион ниқоб сотишган.

Қуйидаги фотосуратларда Хитой ва Осиёнинг бошқа давлатларидаги аҳоли коронавирус тарқалишига қарши қандай чоралар қўллаётгани келтирилган.

Пекиндаги Тяньаньмэнь майдонида Мао Дзэдун портрети олдида Хитой миллий қуролли полицияси

Ҳонгконг раҳбари Керри Лэм ва ҳукуматнинг бошқа вакиллари матбуот анжуманида тиббий ниқоб таққан ҳолатда, 2020 йил 31 январь

Ҳонгконг раҳбари Кэрри Лэм коронавирус туфайли ташкил этилган матбуот анжуманидан кейин. Ҳонгконгда вирусдан зарарланиш билан боғлиқ 12 ҳолат қайд этилган. Шу муносабат билан мактабдаги таътиллар бир ойга - 2 мартга қадар узайтирилган.

Манилада кекса аёл тиланчилик қилмоқда. 30 январь куни Филиппинда янги коронавирусга чалиниш билан боғлиқ илк ҳолат қайд этилди. У Ухандан келган хитойликда аниқланди.

Тиббий ниқоб таққан кекса одам Ухандаги шифохона яқинида ерга қулаб жон берди. 2020 йил 30 январь.

Фотомухбир тиббиёт ходимлари унинг жасадини олиб кетиш жараёнини суратга олди.

Бангкокдаги қиз ибодат қилмоқда, 2020 йил 31 январь

Хитойнинг Куньмин шаҳрида (Юньнань провинцияси) коронавирус туфайли дўконлар ишламаяпти.

Ханойдаги ибодатхона. Вьетнамда ўтган ҳафта яна уч кишида коронавирус аниқланди ва бу давлатда вирусдан зарарланганлар сони 5 кишига етди.

Сеулда тез ёрдам машинаси аэропортдан Жанубий Кореянинг бир неча фуқаросини олиб кетмоқда, Ухандан келган бу фуқаролар коронавирус юқтирганликда гумон қилинган. Жанубий Кореяда коронавирусни юқтирган 6 киши аниқланган.

Ҳонгконгда қизи билан аптекага келган аёл. Унинг ортида тиббий ниқобга талабгорлар навбати юзага келган.

Ҳимоя кийимларидаги дафн бюроси ходимлари вирусдан ҳалок бўлганнинг танасини шифохонага етказганидан кейин дезинфекциядан ўтмоқда. Ухань, 2020 йил 30 январь.

Пластик идишдан ясалган «Ҳимоя ниқоби»даги қизалоқ Пекиндаги аэропортда оила аъзолари билан бирга ўз рейсини кутмоқда.