Мисрда иккита қайиқ чўкиши 13 кишилик оиланинг ҳалокатига олиб келди

Фото: twitter.com

Мисрда ҳордиқ чиқаргани кичик оролга иккита қайиқда йўл олган оила ҳалокатга учради. Қутқарувчилар ҳозирча 7 жасадни топишга муваффақ бўлишди.

Миср шимолида 13 кишидан иборат оила иккита қайиқда кичик оролга ҳордиқ чиқаргани йўл олиб, орқага қайтишда ҳалокатга учради. Улар кетаётган қайиқлар тўнтарилиб кетган. Бунинг сабаби ҳозирча ноаниқ.

Таъкидланишича, воқеа Искандария яқинидаги Бурж-ал-Арабдаги кўлда тунда юз берган. Ҳалок бўлганлар маҳаллий бедуинлар бўлган.

Охирги маълумотларга кўра, қутқарувчилар 7 кишининг жасадини топишга муваффақ бўлишган. Қидирув-қутқарув ишлари давом этмоқда.

#ҳалокат #қайиқ #Миср