Коронавируснинг ҳиндча штамми бутун дунёни эгалламоқда — ЖССТ

Вируснинг ушбу тури 80дан ортиқ мамлакатда аниқланди ва тарқалиш жараёнида мутацияга учрашда давом этмоқда.

Коронавируснинг Ҳиндистонда аниқланган дельта-варианти бутун дунёни эгалламоқда. Бу ҳақда ЖССТ катта илмий ходими Сумя Сваминатан маълум қилди.

«Бу вариант одамдан одамга осон юқиши сабабли бутун дунёни эгалламоқда», деди Сваминатан.

Коронавируснинг дельта-варианти ҳиндча штамм бўлиб, Буюк Британия штаммидан (альфа-вариант) сўнг тарқала бошлади. Вируснинг ушбу тури 80дан ортиқ мамлакатда аниқланди ва тарқалиш жараёнида мутацияга учрашда давом этмоқда.

ЖССТнинг маълумот беришича, коронавируснинг дельта-варианти альфа-вариантига нисбатан 60 фоизга фаолроқ.

Аввалроқ Москва мэри Сергей Собянин шаҳарда коронавирус юқтирганларнинг қарийб 90 фоизида ҳиндча штамм аниқланганини айтганди.

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.