Apple АҚШ санкциялари туфайли iPhone қисмларини ўзгартирди

Apple сиёсий босим туфайли iPhone конструкциясига ўзгартириш киритишга мажбур бўлди.

Фото: Getty Images

Америка компанияси ўз смартфонларида Хитойда ишлаб чиқарилган қисмлардан фойдаланишни режалаштирган, бу Yangtze Memory Technologies (YMTC) компаниясининг 128 қатламли NAND хотира модуллари эди.

Қайд қилинишича, Apple эҳтиёт қисмларни ўз қурилмаларида ишлатиш учун сертификат олган, бироқ охирги лаҳзада бу ғоядан воз кечган.

«Маҳсулотлар синовдан ўтди, бироқ янги iPhone ишлаб чиқаришда улардан фойдаланилмади», деди манба.

Инсайдерларнинг фикрига кўра, iPhone қисмларининг ўзгартирилишига АҚШ ҳукуматининг босими сабаб бўлган. У YMTC компаниясини Хитой ҳукуматига алоқадорликда гумонлаган.

7 октябрь куни Вашингтон YMTC компаниясини «тасдиқланмаган» деб номланган рўйхатга қўшди – Америка компаниялари бу рўйхатдаги фирмалар билан ҳамкорлик қила олмайди. Шунингдек, АҚШ ҳукумати YMTC компаниясига қарши санкциялар жорий этиши ҳам эҳтимолдан холи эмас.

Apple глобал миқёсда сотиладиган смартфонлар учун YMTC қисмларидан фойдаланишни режалаштирган эди. Компания давлат томонидан субсидиялангани сабабли, хотира модуллари нархи рақобатчиларникидан камида 20 фоизга арзон эди.

Октябрь ойи ўрталарида журналистлар iPhone 14 Pro Max таннархи 501 долларни ташкил этишини аниқладилар, бу эса iPhone 13 Pro таннархидан 20 фоизга қиммат. Қурилма чакана савдога 1099 доллар нархда чиқарилган.

#iPhone #Apple #санкциялар