Қўшимча функционаллар
-
Тунги кўриниш
Ўзбекистон ва Венгрия автомобилсозликда қўшма лойиҳани амалга оширмоқчи
Ўзбекистон ташқи ишлар вазири ўринбосари ва Венгрия ташқи ишлар ва савдо вазирлиги давлат котиби ўринбосари онлайн музокаралар чоғида бўлажак сиёсий мулоқотлар жадвалини муҳокама қилди.

Фото: «Дунё» АА
Ўзбекистон ташқи ишлар вазирининг ўринбосари Музаффар Мадраҳимов Венгрия Ташқи ишлар ва савдо вазирлигининг Шарқий алоқаларни ривожлантириш бўйича давлат котиби ўринбосари Адам Штифтер билан видео-конференц-алоқа шаклида музокаралар ўтказди.
ТИВ маълумотига кўра, суҳбат чоғида Ўзбекистон – Венгрия кун тартибининг долзарб жиҳатлари, бўлажак сиёсий мулоқотлар жадвали, парламентлараро алоқаларни мустаҳкамлаш, халқаро ташкилотлар ва бошқа кўп томонлама тузилмалар доирасидаги муносабатларга доир масалалар муҳокама қилинди.
Савдо ва инвестициявий ҳамкорликни ривожлантиришга алоҳида эътибор қаратилди. Шу нуқтайи назардан, йирик иқтисодий тадбирларни ташкил этиш, фармацевтика, тиббиёт, қишлоқ хўжалиги ва автомобилсозлик соҳаларида қўшма лойиҳаларни амалга оширишни қўллаб-қувватлашдан ўзаро манфаатдорлик билдирилди.
Ҳудудлараро алоқаларни, хусусан, Жиззах ва Диёр-Мошон-Шопрон, шунингдек, Самарқанд ва Ҳайду-Биҳар ўртасидаги ҳамкорликни чуқурлаштириш юзасидан фикр алмашилди.
Мавзуга оид

09:38 / 08.07.2025
Венгрия Ўзбекистонда Усмонийлар даврига оид экспонатларни намойиш этмоқчи

16:17 / 07.07.2025
Венгрияда автобус иштирокидаги ЙТҲда 17 нафар украиналик бола жароҳат олди

16:10 / 07.07.2025
Венгрияда сақланаётган Ўзбекистон тарихига оид қўлёзмалар нусхаси Тошкентда намойиш этилади

13:00 / 30.06.2025