Қўшимча функционаллар
-
Тунги кўриниш
Байденнинг ўғли қуролни ноқонуний сақлаганликда айбдор деб топилди
АҚШ тарихида биринчи марта амалдаги президентнинг яқин қариндоши федерал судда жиноий жавобгарликка тортилди.
Фото: Getty Images
АҚШ суди ҳакамлар ҳайъати президент Жо Байденнинг ўғли Ҳантерни қуролни ноқонуний сақлаганликда айбдор деб топди. Бу ҳақда CNN хабар берди.
Қайд қилинишича, 2018 йилда Ҳантер Байден қурол сотиб олаётганда гиёҳванд моддаларни истеъмол қилмаслиги ҳақида ёлғон маълумот берган. Шунингдек, гиёҳванд моддаларни истеъмол қилган даврида ўқотар қуролга эгалик қилган. АҚШ қонунчилигида ҳар иккала ҳолат ҳам жиноят ҳисобланади.
CNN хабарига кўра, АҚШ тарихида биринчи марта амалдаги президентнинг яқин қариндоши федерал судда жиноий жавобгарликка тортилди.
Энди Ҳантер 25 йилгача қамоқ жазоси ва 750 минг долларгача жаримага тортилиши мумкин, аммо CNN максимал жазони даргумон деб ҳисобламоқда.
Ҳантер Байденга нисбатан суд ҳукми кейинроқ эълон қилинади, унинг санаси аниқ эмас.
Мавзуга оид
09:34
Зеленский: АҚШдан Украинага қурол етказиб бериш қайта тикланди
08:17
Трамп мис импортига 50 фоизлик божлар қачон жорий этилишини айтди
02:32
АҚШ Сенати қўмитаси Украинага 500 млн долларлик ёрдам ажратишни маъқуллади
19:55 / 11.07.2025