Қўшимча функционаллар
-
Тунги кўриниш
Қозоғистондаги ЙТҲда ўзбекистонлик 6 киши ҳалок бўлди
Яна тўрт киши жароҳатланган ҳолда шифохонага ётқизилган. Улар Россиядан Ўзбекистонга қайтаётган бўлган.
Фото: Видеодан кадр
16 октябр куни Қозоғистоннинг Манғистау областида содир бўлган аянчли ЙТҲ оқибатида Ўзбекистоннинг олти нафар фуқароси ҳалок бўлди, яна тўрт нафари шифохонага ётқизилди.
Маҳаллий полицияга кўра, Jac русумли енгил автомобил чегарадаги ўтиш жойида, йўл четида тўхтаб турган MAN юк машинасига келиб урилган.
«Машинада жами 10 киши бўлган. Улардан тўрт нафари Бейнеу районидаги марказий шифохонага ётқизилган. Жабрланганларнинг аҳволи ўртача оғирликда. Беморларга керакли муолажалар тўлиқ ҳажмда кўрсатилмоқда. Ҳодиса оқибатида 6 киши ҳалок бўлди», — дея хабар берган Манғистау области ички ишлар бошқармаси.
Қурбонлар ва жабрланганларнинг барчаси Jac автомобилида бўлган.
ЙТҲ қатнашчилари бўлган автомобиллар Ўзбекистонда рўйхатга олинган ҳамда ҳалок бўлганларнинг барчаси Ўзбекистон фуқаролари экани аниқланган. Улар Россия Федерациясидан Ўзбекистонга қайтаётган бўлган.
Ҳолат юзасидан терговга қадар тергов ҳаракатлари олиб борилмоқда. Шунингдек, Ўзбекистоннинг Ақтау шаҳридаги Бош консуллигига хабар берилган.
Мавзуга оид
10:00 / 13.07.2025
Тошкент пропискасининг очилиши, автотеррористларга чора ва порахўрлик “хит-паради” — ҳафта дайжести
09:16 / 13.07.2025
Фарғонада фуқаро ўз танишини машинада қасддан уриб, ўлдириб қўйди
15:36 / 09.07.2025
Аварияларни камайтириш учун йўл инфратузилмасини яхшилашга жиддий эътибор қаратилади
15:24 / 09.07.2025