Лавровнинг Ўзбекистонга ташрифи бошқа санага қолдирилди

Ташрифнинг қолдирилиши «иш жадвалидаги ўзгаришлар» билан изоҳланди.

Фото: TASS

Россия ташқи ишлар вазири Сергей Лавров 28-29 октябр кунларига мўлжалланган Ўзбекистонга ташрифини кейинроққа қолдирди, деб хабар берди Россия ТИВ.

Лавров Ўзбекистон Ташқи ишлар вазирлиги раҳбари Бахтиёр Саидов билан телефон орқали мулоқот қилди.

«Икки давлат раҳбарларининг Россия ва Ўзбекистон ўртасидаги ҳар томонлама стратегик шериклик ва иттифоқчилик муносабатларини янада мустаҳкамлашга қаратилган қарорларини амалга ошириш бўйича жадал қўшма ишларни давом эттиришдаги ўзаро ниятлар тасдиқланди. Иш жадвалидаги ўзгаришлар муносабати билан Лавровнинг 28-29 октябр кунларига мўлжалланган Тошкентга ташрифини кейинроққа кўчириш бўйича келишувга эришилди», дейилади хабарда.

Лавров ташрифининг янги санаси эълон қилинмади.

#Сергей Лавров #Россия #Ташқи ишлар вазирлиги