Ўзбекистон картошка етиштириш бўйича Эрон тажрибасини ўрганмоқда

Ўзбекистон Ўсимликлар карантини ва ҳимояси агентлиги директори Иброҳим Эргашев бошчилигида делегация ташриф билан Эроннинг Ҳамадон вилоятида бўлди.

Фото: "Дунё" АА

Ташриф доирасида Ҳамадондаги картошка етиштириш бўйича Golden Feeder Co. компанияси директори Моҳаммадреза Жамализаде ва Soltani компанияси директори Қорбан Солтани билан учрашувлар ташкил этилди.

Ўзбекистон делегацияси, шунингдек, ушбу компанияларнинг картошка етиштириладиган майдонлари ва омборхоналарда сақланаётган маҳсулотлар ҳолати билан танишди.

Томонлар келгусида картошка етиштириш ва экспорт қилиш йўналишида ҳамкорлик қилишга келишиб олдилар.

#Эрон #картошка