USAID бош инспектори Пол Мартин лавозимидан четлатилди

Пол Мартинни USAID бош инспектори лавозимидан четлаштириш тўғрисидаги қарор унинг идораси Трамп маъмуриятининг АҚШ Халқаро тараққиёт агентлигига нисбатан хатти-ҳаракатлари ҳақида танқидий ҳисобот эълон қилганидан кейин қабул қилинди.

Пол Мартин Фото: USAID

АҚШ Халқаро тараққиёт агентлиги (USAID) бош инспектори Пол Мартин ўз лавозимидан четлатилди, деб хабар берди CNN 11 феврал, сешанба куни USAID бош инспектори идораси матбуот котибига таяниб.

Шунга ўхшаш маълумотни Reuters агентлиги мустақил ҳукумат кузатув ташкилотининг исми ошкор этилмаган ходимига таяниб тарқатган.

CNN хабарига кўра, 11 феврал куни кечқурун Пол Мартин Президентнинг Ходимларни бошқариш бошқармаси директори ўринбосаридан унинг USAID бош инспектори сифатидаги иши «зудлик билан тугатилгани» ҳақида электрон хат олди.

Шу билан бирга, қонунга кўра, маъмурият бош инспекторни ишдан бўшатишдан 30 кун олдин Конгрессни хабардор қилиши ва кузатувчиларни четлаштиришнинг аниқ сабабларини кўрсатиши керак, дея эслатади журналистлар.

Маск «Озодлик радиоси» ва «Америка овози»ни ёпишга чақирди

Ҳукумат самарадорлиги департаменти (DOGE) раҳбари миллиардер Илон Маск "Озод Европа/Озодлик радиоси" ва "Америка овози" медиа-корпорацияларини ёпишга чақирди. Маск тегишли хабарни 9 феврал куни X ижтимоий тармоғида жойлаштирди.

«Булар америкалик солиқ тўловчиларнинг йилига 1 миллиард доллар пулини беҳуда сарфлаб, ўзи билан ўзи гаплашиб ўтирадиган радикал сўл телбалар», деди Маск. «Ҳа, уларни ёпиш керак. Уларни ҳеч ким эшитмаяпти», деб қўшимча қилди у.

#USAID #Пол Мартин