Беш ойда қанча фуқаро овқатдан заҳарлангани айтилди

2025 йилнинг ўтган 5 ойи давомида 14 та ҳолатда овқатдан заҳарланишлар рўйхатга олиниб, унда 42 нафар фуқаро жабрланган.

Фото: Getty images

Санитария-эпидемиологик осойишталик ва жамоат саломатлиги қўмитасига кўра, юзага келган овқатдан заҳарланиш ҳолатларининг ўнта ҳолатда уй шароитида тайёрланган консерва маҳсулотларини истеъмол қилиш натижасида ботулизм касаллиги қайд этилган. Улардан 8 нафарини болалар ташкил этади.

Учта ҳолатда овқат токсикинфекцияси қайд этилиб, 13 нафар фуқаро жабрланган, шундан 8 нафарини болалар ташкил этади. Кимёвий заҳарланиш битта ҳолатда қайд этилган.

2024 йилда Санитария-эпидемиология қўмитасининг ҳудудий бошқармалари ва туман бўлимлари томонидан жами 20 184 та умумий овқатланиш корхоналарининг 1 512 тасида (7,49 фоиз) текширувлар олиб борилган.

Натижада уларнинг 664 тасида (3,29 фоизи) санитария нормалари, қоидалари ва гигиена нормативлари талаблари бузилганлиги аниқланган.

#овқатдан заҳарланиш #Санитария-эпидемиология хизмати