Экологик хавфлилик тоифалари 3 тоифага қисқартирилди

Экологик хавфлилик тоифалари илгари амалда бўлган 4 тоифадан халқаро стандартларга мос равишда 3 тоифага қисқартирилди. Бу ҳақда Давлат экологик экспертизаси маркази маълум қилди.

Фото: Kun.uz

Ўзгаришлардан яна бири – экологик хулоса беришда жамоатчилик фикрини инобатга олиш мажбурий бўлди. Атроф-муҳитга таъсирни баҳолаш ва стратегик экологик баҳолаш мезонлари жорий этилди.

Фаолиятнинг шаффофлигини таъминлаш мақсадида “Электрон ҳукумат” тамойили асосида автоматлаштирилган ахборот тизими жорий этилмоқда.

Атроф-муҳитга таъсирни баҳолаш жараёни илк бор тўғридан тўғри қонун нормаларида белгиланди.

2024 йилнинг ўзида давлат экологик экспертизаси органлари томонидан 32 мингга яқин хулоса берилган бўлиб, шулардан 700 таси экологик талабларга жавоб бермагани туфайли рад этилган. Бу ҳолат лойиҳачиларга нисбатан қатъий талаблар қўйиш зарурлигини кўрсатмоқда.

Ҳозирда 400 га яқин лойиҳа ҳужжатларини тайёрловчи тадбиркорлик субъектлари ва бошқа лойиҳа институтларида 2000 нафарга яқин лойиҳачи фаолият юритмоқда.

#экспертиза #экология