Olga Zabelinskaya rasman O‘zbekiston terma jamoasiga o‘tdi

Rossiyalik velopoygachi Olga Zabelinskaya O‘zbekiston terma jamoasiga rasman o‘tgani haqida e'lon qildi.

«O‘zbekiston terma jamoasiga o‘tganim rasmiy ravishda tasdiqlandi, avgust oyidayoq Osiyo o‘yinlarida ishtirok etishni maqsad qilganman», - deya Zabelinskayaning so‘zlarini keltiradi TASS.

Xalqaro velosipedchilar uyushmasidan (UCI) ta'kidlashlaricha, sportchi bu yil va kelasi yilda jahon chempionatlari ishtirok eta olmaydi.

«Velopoygachining fuqaroligi o‘zgarishi rasman tasdiqlandi. UCI qoidalaridagi bandga ko‘ra, sportchi UCI jahon chempionatida bu yil va keyingi yilda fuqarolikni o‘zgartirgandan keyin ishtirok etishga haqli emas», - deya aytib o‘tgan UCI vakili.

Eslatib o‘tamiz, avvalroq Olga Zabelinskaya nega Rossiya terma jamoasidan voz kechganini tushuntirib bergandi.