Braziliyalik afsonaviy hujumchi Ispaniya klubini sotib olyapti

Foto: AFP

Afsonaviy hujumchi Ronaldo Ispaniyaning «Real Valyadolid» klubini sotib olmoqda.

Cadena SER ma'lumotiga ko‘ra, kelishuv miqdori 30 mln yevroni tashkil etadi. Braziliyalik futbolchi «Valyadolid»ning asosiy aksiyadori va prezidentiga aylanadi.

Manba xabariga ko‘ra, kelishuv ikki yoki uch hafta ichida yopiladi. Shu tariqa, klub o‘zining 25 mln yevrolik qarzini to‘lash imkonini qo‘lga kiritadi.

«Valyadolid» 2017/18-yilgi mavsum yakunlariga ko‘ra Ispaniya Primerasiga yo‘l oldi. Jamoa chempionatning birinchi turida «Jirona» bilan durang (0:0) o‘ynadi, ikkinchi turda esa o‘z maydonida «Barselona»ga imkoniyatni boy berdi (0:1).

#Ispaniya #Ronaldo #Real Valyadolid