Qoʻshimcha funksionallar
-
Tungi ko‘rinish
Zelenskiy: «Prigojinni Putin o‘ldirdi, bizda shunday ma’lumot bor»
Ukraina prezidenti Volodimir Zelenskiyning aytishicha, «Vagner» XHK asoschisi Yevgeniy Prigojinni Rossiya prezidenti Vladimir Putin o‘ldirtirgan. Zelenskiy bu haqda Kiyevda, «Yalta» sammitidagi chiqishida aytdi.
Foto: Volodimir Zelenskiy Telegram-kanali
«Putin Prigojinni o‘ldirdi, har holda bizda shunday ma’lumot bor. Biz Prigojinning o‘limini bir terrorchi kamaydi deb qabul qildik», dedi Zelenskiy.
Ukraina prezidentining aytishicha, Prigojinning o‘limi mamlakat uchun yaxshi xabar bo‘lgan: «Ruslarning ruhiyati tushib ketdi, axir ular mana shu vagnerchilar ortiga berkingandi-da. Ular vagnerchilar, yollanma jangchilar hayoti evaziga tuzilgan himoyadan ayrilishdi. Bu qaysidir ma’noda biz uchun plyus», dedi Volodimir Zelenskiy.
Ukraina yetakchisi aynan qaysi ma’lumotga tayanib Prigojinning o‘limida Putinning qo‘li borligini haqida aytganini izohlamagan. 25 avgust kuni Putinning matbuot kotibi Dmitriy Peskov BBC'ning so‘roviga javoban Yevgeniy Prigojinning o‘limida Kremlning aloqasi borligi haqida xabarlarni yolg‘on deb atagandi.
Ma’lumot uchun, «Vagner» asoschisi Yevgeniy Prigojin 23 avgust kuni Tver osmonida sodir bo‘lgan aviahalokat natijasida halok bo‘lgandi.
Mavzuga oid
22:34 / 09.07.2025
NYT: Putin Rossiya armiyasi yaqin oylarda Ukraina mudofaasini yorib o‘tishiga ishonmoqda
20:09 / 09.07.2025
Tramp Putinga nisbatan ritorikasini keskinlashtirmoqda, Kreml bunga «bosiqlik» bilan qaramoqda
14:48 / 09.07.2025
CNN: Tramp yopiq uchrashuvda Putinga «Moskvani bombalash» bilan tahdid qilgani haqida gapirib bergan
12:04 / 09.07.2025