Pistorius: Trampning Ukraina bo‘yicha taklifi kapitulyatsiyaga o‘xshaydi

Germaniya mudofaa vaziri vazifasini bajaruvchi Boris Pistorius AQSh rasmiylarining Ukrainaga Rossiyaga keng ko‘lamli hududiy imtiyozlar berish bo‘yicha takliflarini tanqid qildi. ARD telekanalida 27 aprel, yakshanba kuni e’lon qilingan sharhida Germaniya mudofaa vazirligi rahbari bu ritorikani taslim bo‘lish talabi bilan qiyosladi.

Pistoriusning so‘zlariga ko‘ra, Ukraina Rossiya bilan barqaror o‘t ochishni to‘xtatish yoki tinchlik bo‘yicha kelishuv tuzish «hududiy imtiyozlarga olib kelishi yoki ular bilan bog‘liq bo‘lishini» tushunadi. Ammo bu yo‘qotishlar AQSh prezidenti Donald Trampning so‘nggi taklifidagidek katta bo‘lmasligi kerak, dedi nemis siyosatchisi. "Ushbu taklifda nima bor edi, Ukraina bir yil oldin taslim bo‘lish yo‘li bilan uni o‘zi ham olishi mumkin edi", — deya ta’kidladi mudofaa vaziri vazifasini bajaruvchi. 

Pistorius, shuningdek, Amerika prezidentining taklifi hozirgi shaklda Ukrainaga hech qanday foyda keltirmasligini ta’kidladi. Nemis siyosatchisiga ko‘ra, ehtimoliy hududiy imtiyozlar mamlakat kelajagi uchun mutanosib xavfsizlik kafolatlari bilan birgalikda ko‘rib chiqilishi kerak – axir o‘tmish Rossiyaning va’dalari hech narsaga arzimasligini ko‘rsatdi.

ARD telekanaliga bergan intervyusida Boris Pistorius, shuningdek, Berlin Tramp ma’muriyati shunday qilsa ham, Ukrainaga harbiy yordam berishdan bosh tortmasligiga ishontirdi. Bunda gap faqat aniq bir davlat xavfsizligi haqida ketmayapti, dedi nemis siyosatchisi.