Шаҳрам Ғиёсов ҳам финалда!

Германиянинг Ҳамбург шаҳрида ўтаётган AIBA шафелиги остидаги ҳар икки йилда бир марта ташкиллаштириладиган бокс бўйича жаҳон чемпионатининг яримфинал учрашувлари иккинчи куни бошланди.

52 кг.гача бўлган яримфинал жангларида ҳамюртимиз Жасурбек Латипов жанубий кореялик Ким Ин-Кюга қарши рингга кўтарилди ва 5:0 ҳисобида ғалаба қозониб, финалга йўл олганини хабар берган эдик.

69 кг.га бўлган вазн тоифасида яримфинал учрашувида Шаҳрам Ғиёсов қозоғистонлик Аблайхан Жуссуповга қарши рингга чиқди. Шаҳрамнинг тўлиқ устунлиги остида ўтган жанг унинг 4:1 ҳисобидаги ғалабаси билан якунланди.

Шаҳрам эртага иккинчи яримфинал жуфтлиги — Аббас Барау (Германия) - Роинэл Иглесиас (Куба) ғолиби билан финал жангида рингга кўтарилади.

Бугун бизни Бектемир Мелиқўзиев иштирокида яна бир жанг кутиб турибди:

81 кг. Яримфинал. 1 сентябрь. 22:45

Бектемир Мелиқўзиев (Ўзбекистон) - Жои Уорд (Ирландия)

Нариги жуфтлик:

Хулио Сезар Ла Круз (Куба) - Карлос Андрес Мина (Эквадор)

{Yii::t(}

Ўтказиб юбориш 6s

#бокс #Шаҳрам Ғиёсов #Ҳамбург

25 август куни Германиянинг Ҳамбург шаҳрида Бокс дунёсининг 2017 йилги энг нуфузли мусобақасига старт берилди. 25 августдан 2 сентябргача Ҳамбург шаҳри AIBA World Boxing Championship-2017 мусобақасига мезбонлик қилади. Унда Ўзбекистон терма жамоаси камсонли мамлакатлар сингари тўлиқ таркибда иштирок этади.