Тест натижалари яқин дақиқалар ичида эълон қилинади

Бош вазир ўринбосари Азиз Абдуҳакимов фейсбукдаги расмий саҳифасида яқин вақтлар ичида кириш имтиҳонларининг биринчи куни натижалари эълон қилинишини маълум қилди.

Республика олий таълим муассасаларига кириш тест синовларининг биринчи куни – 1 август натижалари қуйидагича:

Тест синовлари шахсни идентификациялаш воситалари, видеофиксация ҳамда доимий видеокузатув қурилмалари билан жиҳозланган 57та бинода 23та олий таълим муассасаларининг 154та таълим йўналиши бўйича ўтказилди.

Тест синовларида 58 985 нафар абитуриент иштирок этди.

Тест синовларига 1 393 нафар абитуриент келмади.

Тест синовлари тартиб қоидаларини бузганлиги сабабли 255 нафар абитуриент тест синовларидан четлаштирилди.

Тест синовларига гуруҳ назоратчилари сифатида 2 434 нафар ўқитувчилар жалб этилди.

Давлат гранти бўйича энг юқори балл: 223,5;
Тўлов-контракт бўйича энг юқори ўтиш балли: 176,7.

Ўртача балл:
давлат гранти – 142,9;
тўлов-контракт – 123,7.

Олий таълим муассасалари бўйича энг юқори балл:
давлат гранти – 223,5 балл Тошкент давлат юридик университетининг «Юриспруденция» (русча таълим йўналиши);
тўлов-контракт – 176,7 балл Тошкент давлат юридик университетининг «Юриспруденция» (ўзбекча таълим йўналиши).

Тест синовлари натижалари Давлат тест марказининг dtm.uz (http://www.dtm.uz/page/test_result) сайтида соат 22:00дан кейин эълон қилинади.