Тест синовларининг тўртинчи куни натижалари маълум. Энг юқори кўрсаткич Фарғонада қайд этилган

Республика олий таълим муассасаларига кириш тест синовларининг тўртинчи куни –  4 август натижалари маълум бўлди.

Тест синовлари шахсни идентификациялаш воситалари, видеофиксация ҳамда доимий видеокузатув қурилмалари билан жиҳозланган 57та бинода, 15та олий таълим муассасаларининг 80та таълим йўналиши бўйича ўтказилди.

Тест синовларида 56 966 нафар абитуриент иштирок этди.

Тест синовларига 1 369 нафар абитуриент келмади.

Тест синовлари тартиб қоидаларини бузганлиги сабабли 73 нафар абитуриент тест синовларидан четлаштирилди.

Тест синовларига гуруҳ назоратчилари сифатида 2 419 нафар ўқитувчилар жалб этилди.

Давлат гранти бўйича энг юқори ўтиш балли: 175,8 балл, Фарғона политехника институтининг «Иқтисодиёт (тармоқлар ва соҳалар бўйича)» таълим йўналиши;

Тўлов-контракт бўйича энг юқори ўтиш бали: 147,6 балл, Ўзбекистон давлат жаҳон тиллари университетининг «Таржима назарияси ва амалиёти: инглиз тили» таълим йўналиши.

Ўртача ўтиш бали:
давлат гранти – 97,9 балл;
тўлов-контракт – 80,5 балл.

Тест синовлари натижалари Давлат тест маркази сайтида соат 19.15да эълон қилинади.