Трамп Саҳрои Кабирда девор қуришни таклиф қилди 

АҚШ президенти Дональд Трамп ўзигагина хос тарзда Африка давлатларидан Испанияга ноқонуний муҳожирлар оқимини тўхтатишнинг усулини таклиф қилди.  

Испания ташқи ишлар вазири Жозеп Боррелнинг айтишича, Трамп Мадрид бу мақсадда Саҳрои Кабирда девор қуриши кераклигини айтган.

Испания вакиллари бу таклифга Саҳрои Кабир 4,8 минг кмга чўзилишини айтишган, Трамп эса “бизнинг Мексика билан чегарамиздан узунроқмас”, деб жавоб қилган. 

Трамп Мексикадан АҚШга муҳожирлар оқимини тўхтатиш учун қўшни давлат билан чегарада девор қуришни фаол қўллаб-қувватлаб келади.