Қўшимча функционаллар
-
Тунги кўриниш
Қирғизистон президенти парламентнинг Жапаровни бош вазирликка тайинлаш тўғрисидаги қарорини ноқонуний деб топди
10 октябрь куни Қирғизистон парламенти Садир Жапаров бошчилигидаги вазирлар маҳкамасининг янги таркибини тасдиқлаганди.
Фото: president.kg
Қирғизистон президенти Сооронбай Жээнбеков мамлакат парламентининг Садир Жапаров бошчилигидаги ҳукумат таркибини тасдиқлаш тўғрисидаги қарорини ноқонуний деб топди. Бу ҳақда Қирғизистон президенти матбуот хизмати хабар берди.
"Кворум таъминланмаган, кворумсиз қабул қилинган қарорлар ноқонуний ва юридик кучга эга эмас деб топилади. Шу сабабли Қирғизистон президенти аппарати тақдим этилган ҳужжатларни парламентга қайтарди", - дейилади хабарда.
Эслатиб ўтамиз, 5 октябрь куни Бишкекда ҳукуматни қўллаб-қувватловчи икки партия ғолиб чиққан парламент сайловлари натижаларига қарши намойишлар бошланди. Намойишлар тартибсизликлар ва полиция билан тўқнашувларга айланиб кетди. Бир неча юз киши жароҳат олди, бир киши ҳалок бўлди.
6 октябрь куни парламент аъзоларининг бир қисми бош вазирликка Садир Жапаров номзодини маъқуллаб овоз берди.
10 октябрь куни Қирғизистон парламенти Садир Жапаров бошчилигидаги вазирлар маҳкамасининг янги таркибини тасдиқлади.
Қирғизистонда ҳукумат алмашинуви
Мавзуга оид
18:19 / 10.07.2025
«Хитой-Қирғизистон-Ўзбекистон» темирйўли қурилишига Ўзбекистон компаниялари ҳам жалб қилиниши мумкин
14:57 / 07.07.2025
Тожикистон «Хитой-Қирғизистон-Ўзбекистон» темир йўли лойиҳасига қўшилмоқчи
20:14 / 03.07.2025
Қирғизистон аҳоли даромадларининг ўсиши бўйича Марказий Осиёда 1-ўринга чиқди. Ниманинг ҳисобига?
15:47 / 01.07.2025