Қўшимча функционаллар
-
Тунги кўриниш
Чехия бош вазирининг Х’даги аккаунти бузиб кирилди ва у орқали фейк постлар эълон қилинди
Улардан бирида «Россия қўшинлари Калининград билан чегара яқинида Чехия армиясига ҳужум қилгани ҳақида» ёзилган.

Фото: EPA-EFE
Чехия бош вазири Петр Фиаланинг Х ижтимоий тармоғидаги аккаунти бузиб кирилди ва у ерда фейк постлар жойлаштирилди. Бу ҳақда мамлакат ҳукуматининг матбуот хизматига таяниб Ceske Noviny нашри хабар берди.
Бош вазир аккаунти орқали эълон қилинган постларнинг бирида «Россия қўшинлари Калининград билан чегара яқинида Чехия армиясига ҳужум қилгани ҳақида» ёзилган.
Яна иккита постда Чехия президент Доналд Трамп томонидан жорий этилган Америка божларига қарши санкциялар тайёрлаётгани тўғрисида сўз боради.
Кўп ўтмай, постлар ўчириб ташланган.
Чехия ҳукумати вакилининг сўзларига кўра, бош вазирнинг аккаунти икки босқичли ҳимояга эга бўлган. «Барча хавфсизлик чораларига қарамай, бош вазирнинг Х ижтимоий тармоғидаги профили бугун эрталаб ҳужумга учради», — дейилади ҳукумат хабарида.
Мавзуга оид

17:45 / 04.07.2025
Чехияда блэкаут юз берди

15:04 / 21.06.2025
АҚШ элчихонаси: Таълим визаларига талабгор ўзбекистонликларнинг ижтимоий тармоқдаги аккаунтлари очиқ бўлиши керак

15:41 / 20.06.2025
Ўзбекистонда давлат хизматчиларининг ижтимоий тармоқдаги саҳифалари бўйича маълумотлар базаси тўпланади

11:34 / 19.06.2025