Трампни сийлаган араблар, музлатилган савдо уруши ва амалга ошмаган “дуэл” — Геосиёсий ҳафта таҳлили

Путин нега Зеленский билан кўришишни рад этди? Араб шайхларининг Трампга берган қоп-қоп ваъдалари амалга ошадими? АҚШ Хитой билан савдо урушини музлатди: бу тирашувда ким ютди? Вашингтон келишувга оз қолганини айтмоқда: Эрон ядро қуроли ғоясидан воз кечишга тайёрми? ПКК ўз-ўзини тарқатиб юборди: курдлар қуролларини ташлаяптими?

Ортда қолаётган ҳафтанинг халқаро майдондаги мавзулари муҳокамаси – Kun.uz’нинг жонли эфирдаги “Геосиёсат” ҳафталигида.

{Yii::t(}

Ўтказиб юбориш 6s

Ўтказиб юбориш

Путин нега Зеленскийнинг тўғридан тўғри чақирувини рад этди, сабаблар нимада?

Анвар Йўлдошев: Қисқача қилиб айтганда Путин Зеленский билан учрашувга бормаслиги аввалдан маълум эди. Нега? Биринчидан, Путин Зеленскийни нолегитим деб бир неча марта айтган эди. Шундан кейин ҳам яна бориб у билан учрашса, ўзининг сўзига ўзи қарши чиққан бўларди. Қисқа қилиб айтганда, мана шу сабабдан Путин боргани йўқ. Путин бундан кейин ҳам Зеленский билан учрашмайди.

Шуҳрат Расул: 9 май куни Си Жинпинг билан президент Путин ўртасидаги учрашувга эътибор қаратишимиз керак. Катта эҳтимол билан Кремлдаги тадбирлар доирасида Путинга Хитой лидери Киев билан музокара ўтказишни сўраган ва Путин қандайдир ваъдалар берган бўлиши мумкин. Чунки мана шу байрам тадбирлари тугагандан кейинги куни президент Путин ўн бешинчи майда биз Украина тарафини Истанбулда кутамиз деб айтди.

Ундан ташқари Бразилия президенти Лула да Силва Хитойдан Бразилияга қайтишда Москва орқали учиб келиб беш соат аэропортда тўхтаган ва Путин билан учрашмоқчи бўлган, лекин учрашув юз бермаган.

Бектош Бердиев: Путин Украина томони билан тўғридан-тўғри музокара ўтказишни таклиф қилган, лекин Зеленский билан учрашув ҳақида олдиндан ҳам ҳеч қанақа гап йўқ эди. Ундан ташқари хорижий сафарлар камида бир неча ой аввалдан режалаштирилади. Ундан ташқари давлат раҳбарлари одатда ўзаро келишувга эришилгандан кейин фақатгина имзолаш учун учрашув ўтказишади. Шу нуқтайи назардан қараганимизда Зеленский билан учрашувга ҳали етарлича асос йўқ эди деб ўйлайман. Бошқа томондан эса Владимир Путин бугунги кунда имкон қадар учрашиш эҳтимоли катта бўлган шахслар кўпроқ Европа лидерлари ёки Америка Қўшма Штатларидан бўлиши мумкин. Агар ҳақиқатда Доналд Трамп маълум бир таклифлари билан фалон жойда учрашамиз, учрашувга мен тайёрман дейдиган бўлса, Владимир Путин бориш эҳтимоли бор эди.

Истанбулга ташриф буюрган делегация даражаси ва музокара натижалари қандай бўлди?

Камолиддин Раббимов: Путин Истанбулдаги музокараларга Мединскийни юборди. Мединский бу маданият вазири. Ўзи асли дипломига кўра тарихчи, Россиядаги пропаганданинг оталаридан бири. Мединский Украина деган давлат бўлмаган деган ғояни илгари сурган, Путин ўзига маъқул бўлган фикрларни Мединский каби шахслардан олади. Мединский уч йил олдин ҳам худди шу Истанбул форматида йиғилишларда бўлган.

Ўша пайтда Россия ҳақиқатда урушни тўхтатишдан манфаатдор эди, чунки коллектив Ғарб Украинага мислсиз катта ёрдам бераётганди ва уруш бошланган биринчи ойда Путин жудаям оғир бир аҳволга тушганди.

Суҳбат давомида АҚШ-Хитой савдо уруши, ПККнинг тарқатиб юборилиши, Трампнинг Яқин Шарққа ташрифи, Эрон-АҚШ музокаралари ва Россия-Украина уруши атрофидаги вазият каби ҳафтанинг муҳим воқеалари муҳокама қилинди. Қизғин кечган суҳбатни YouTube платформасида тўлиқ шаклда томоша қилишингиз мумкин.

НормуҳаммадАли Абдураҳмонов суҳбатлашди.