"Ўзбекинвест" Испания ва Италиядаги музокаралар натижасида янги халқаро шерикликка қадам ташлади

Ташриф давомида Испаниянинг экспорт-кредит суғурта агентлиги CESCE билан музокаралар олиб борилди ва келишув имзоланди. Шунингдек, Италия экспорт суғуртаси компанияси SACE билан бўлажак ташриф доирасида имзоланиши режалаштирилган битим тайёрланди. Бу битимлар Испания ва Италиядан Ўзбекистонга инвестициялар ва савдо операцияларини суғурта ҳимояси билан таъминлаш, шунингдек, ўзбек бизнес лойиҳаларини ушбу давлатларга чиқишини суғурталашни назарда тутади. Айниқса, Ўзбекистон иқтисодиётининг устувор йўналишларида кичик ва ўрта бизнес инвестицияларини суғурта орқали қўллаб-қувватлаш масаласига алоҳида эътибор қаратилди.

Бундан ташқари, AON Italiya, AON Ispaniya, Howden Iberia, Barents Re, MAPFRE, Hispania  каби етакчи хусусий суғурта ва брокерлик компаниялари билан учрашувлар ўтказилди ва битимлар имзоланди. Бу битимлар “Ўзбекинвест” компаниясининг мулк, муҳандислик, молиявий, авиация хатарлари ва учинчи мамлакатлар бозорларида юкларни суғурталаш соҳасида глобал қайта суғурталаш дастурлари доирасида ушбу мамлакатлар суғурта бозорларига фаол кириб боришини назарда тутади.

Молиявий доиралар вакиллари Ўзбекистон Президенти Шавкат Мирзиёев томонидан амалга оширилаётган иқтисодий ислоҳотларни юқори баҳолади ва давлат ҳамда хусусий суғурта компаниялари орқали ўзаро инвестициялар ва савдони суғурта ҳимояси билан таъминлаш каналларини кенгайтириш зарурлигини таъкидладилар. Шунингдек, хориж томони ушбу битимларнинг кутилаётган олий ва юқори даражадаги ташрифлар, улар даврида бўлиб ўтадиган Ўзбекистон, Италия ва Испания ишбилармон доиралари ўртасида ўтказилиши режалаштирилган бизнес-форумлар ва учрашувлар арафасида ўз вақтида имзолангани ва тайёрлангани муҳимлигига алоҳида урғу берди.

Колл-марказ: (+998) 71−207−60−00, 1160

Сайт | Facebook | Instagram | Telegram | YouTube

Реклама ҳуқуқи асосида