Қўшимча функционаллар
-
Тунги кўриниш
Давлат департаменти спикери: Россия Трампнинг сўзларини жиддий қабул қилиши керак
АҚШ президенти Украинадаги қон тўкилишини тугатишга таъсир қилиш учун қўлланиши мумкин бўлган «кўплаб турли воситаларга эга», деди Тэмми Брюс.
Тэмми Брюс Фото: Zuma / ТАСС
Москва АҚШ президенти Доналд Трампнинг Россиянинг сўнгги пайтларда Украинага берган ва тинч аҳоли орасида қурбонларга олиб келган оммавий зарбаларини қораловчи баёнотларини жиддий қабул қилиши керак. Бу ҳақда АҚШ Давлат департаменти расмий вакили Тэмми Брюс 27 май, сешанба куни бўлиб ўтган брифингда маълум қилди.
Мавжуд вазиятдан келиб чиққан ҳолда АҚШ президенти Доналд Трампнинг Россияга нисбатан сиёсатида ўзгаришлар бўлишини кутиш керакми, деган саволга у шундай деди: «Мен буни (Доналд Трампнинг Россия президенти Владимир Путинни танқид қилганини) умидсизлик деб атамаган бўлардим. Булар турли минтақаларда тинчликка эришиш йўлида ҳаракат қилган одамнинг сўзлари. У ўз нуқтайи назарини очиқ ифода этди. Россия нима қилаётганига америкаликлар жиддий муносабатда бўлиши керак, деб ўйлайман».
Шу билан бирга, Брюснинг таъкидлашича, АҚШ президенти қон тўкилишини тугатишга таъсир қилиш учун «кўп турли хил воситаларга эга».
Мавзуга оид
21:37
Россия Сербияни Украинага яширин равишда ўқ-дорилар етказиб беришда айблади
21:10
Путин Украина билан Истанбул музокараларидан сўнг армиясини янги ҳужумга ташлади
19:33
Петербургда хорижликларга таксичи ва курьер сифатида ишлаш тақиқланиши мумкин
16:53