Эрон Исроилга янги ракеталар тўлқинини учирди

15 июнга ўтар кечаси икки томон ҳам Исроил ракета зарбалари остида қолгани ҳақида хабар берди.

Эрон давлат телевидениеси 100 дан ортиқ ракета (уларнинг турига аниқлик киритилмаган), шунингдек, дронлар учирилганини маълум қилди. Тел-Авив ва Ҳайфа шаҳарлари асосий нишонлар бўлди.

Исроил мудофаа армияси ҳам ракета учирилиши қайд этилганини маълум қилди ва ҳаво тревогасини эълон қилди. Ҳаво тревогаси сиреналари Иордания пойтахти Оман шаҳрида ҳам ишга тушди.

Ҳужум бошланганидан бир соатга яқин вақт ўтиб Исроил армияси фронторти қўмондонлиги аҳолига бошпаналарни тарк этишга рухсат берди.

CNN телеканали Исроил ёнғин-қутқарув хизматидаги манбасига асосланиб, Исроил марказида кўплаб турар жой бинолари Эрон зарбалари оқибатида шикастлангани, хусусан, Дан шаҳридаги саккиз қаватли бино ҳамда шу ҳудуддаги яна бир кўп қаватли уйга жиддий зарар етгани ҳақида хабар берди.

Magen David Adom тиббий хизмати Исроил шимолидаги Ғарбий Галилейдаги икки қаватли уйга зарба берилиши оқибатида 20-30 ёшлар оралиғидаги аёл киши ҳалок бўлганини хабар қилди. Шунингдек, шу жойда яшаган яна етти киши шифохонага олиб борилган.

Маҳаллий агентликлар Эрон томонидан зарбаларнинг икки тўлқини келгани, Ҳайфа ўққа тутилиши оқибатида беш киши ҳалок бўлиб, 20 киши жароҳатлангани ҳақида хабар берди. Шунингдек, Яҳудия тоғолди ҳудудида 24 киши яраланган.

Тел-Авивда ҳам 65 киши яраланган, шифохонага ётқизилганларнинг уч нафари оғир аҳволда, 5 кишининг аҳволи ўрта оғирликда, 57 нафари — енгил жароҳатланган.

Шфела ҳудудида яна 28 киши жароҳатланган.