Қўшимча функционаллар
-
Тунги кўриниш
Жамият | 20:32 / 30.06.2025
1057
1 дақиқада ўқилади
Андижонда юк машинаси ёниб кетди
Ҳодиса жойига 3 та ёнғин-қутқарув экипажи етиб борган ва ёнғин ўчирилган.
Фото: Ижтимоий тармоқлар
Фавқулодда вазиятлар вазирлиги Андижонда содир бўлган ёнғин тўғрисида маълумот берди.
Қайд этилишича, бугун, 30 июн куни соат 16:00 да Андижон вилояти ФВБга Андижон шаҳар «Пистамозор» МФЙ, Бобур шоҳкўчасида MAN русумли юк автомобилида ёнғин содир бўлаётгани тўғрисида хабар келиб тушган.
Хабарга асосан 3 та ёнғин-қутқарув экипажи соат 16:07 да воқеа жойига етиб борган ва ёнғин ўчирилган.
«Ҳодиса оқибатида тан-жароҳати олганлар йўқ. Ҳозирда ёнғин сабаби ва зарари аниқланмоқда», - дейилади хабарда.
Эслатиб ўтамиз, апрел ойида Тошкент–Ўш автомобил йўлида ҳаракатланган DAF русумли юк машинасида ёнғин чиққанди.
