Месси аввал голга сабабчи бўлди, кейин эса иккита чиройли гол билан камбэк қилди

Мессининг дубли «Интер Майами»га «Монреал»ни мағлуб этишда ёрдам берди

MLS. Шарқий конференция, 21-тур
«Монреал» – «Интер Майами» 1:4
6 июл. Монреал (Канада). «Сапуто»
Голлар: Овусу, 2 (1:0) – Аленде, 30 (1:1), Месси, 40 (1:2), Сеговия, 60 (1:3), Месси, 62 (1:4).
«Монреал»: Сируа, Бугай, Крайг, Алварес, Пертаcсо, Сили (Дуке, 69), Петте (Кампбелл, 46), Лотури, Пирс (Губогло, 69), Овусу (Сунуси, 85), Кларк (Синчук, 80).
«Интер Майами»: Устари, Вегандт, Авилес (Мартинес, 72), Фалкон (Сейлор, 87), Алба, Алленде (Пико, 83), Кремаски (Редондо, 72), Бускетс, Сеговия (Родригес, 72), Суарес, Месси.
Огоҳлантиришлар: Алварес 45+2 – Бускетс 54, Мартинес 88.

Европа жамоалари клублар ўртасидаги жаҳон чемпионатида иштирокини якунлагач, узоқ кутилган таътилни бошлаш имкониятига эга бўлса, «Интер Майами» «ПСЖ»га йирик ҳисобда енгилиб (0:4), турнирни тарк этганидан олти кун ўтгач, яна бор эътиборини МЛС ўйинларига қаратиши лозим бўлади. «Биз 1/8 финалга чиқиш йўлланмасини ҳал қилдик ва турнирни бошни баланд кўтариб тарк этдик. Энди бор эътиборимизни МЛСга ва кейинги турнирларга қаратамиз», — дея ёзганди Месси.

Бошланиши осон бўлмади ва 2-дақиқадаёқ флоридаликлар Монреалда Шарқий конференциянинг сўнгги ўриндаги жамоасидан гол ўтказиб юборишди. Канадаликлар июннинг иккинчи ярмига келиб очколар тўплай бошлаган ва охирги уч ўйинидан иккитасида ғалаба қозонганди. Бу сафарги ўйин бошида эса кучли прессинг ва ... Месси ёрдам бериб юборди. Аргентиналик футболчи ўз жамоаси жарима майдони яқинида тўпни рақибга топширди ва амалда Овусуга ассистентлик қилди.

Кейин эса «Интер» сардори ўз айбини ортиғи билан ювишга киришди. Аввалига Аленде Мессининг пасидан кейин яккама-якка вазиятдан фойдалана олмади, кейин эса ватандошининг навбатдаги пасини барибир голга айлантирди. Аленденинг ўзи ҳам бу ҳужумда асосий ишни бажарди, у марказга кўчиб, узоқ масофадан аниқ нишонга олди. Биринчи бўлимни эса Мессининг чиройли голи якунлаб берди, у Суаресдан тўп қабул қилиб олиб, рақиб жарима майдонига кириб борди ва қайтариб бўлмас зарба йўллади.

38 ёшли уругвайлик футболчи мавсум якунида «қарқаралар» сафини тарк этиши кутилмоқда, у фаолиятини якунлаши ёки яна бир мавсум ўз ватанида ўйнаши мумкин. Мессининг ўзи эса «Интер» билан янги шартнома бўйича келишиб олгани айтилмоқда. Шу туфайли мавсумнинг қолган қисмида мухлислар ушбу футболчиларнинг биргаликдаги ўйинларидан завқ олиши керак. Футболчиларнинг ўзи ҳам бу дамларни қадрлайди ва Канададаги ўйинда Сеговиянинг голидан икки дақиқа ўтиб яна бир голни биргаликда юзага келтиришди. Месси энг яхши даврларини ёдга солиб, жарима майдони ичида рақибнинг 5 футболчисини доғда қолдирди, кейин эса дарвозабонга ҳам имкон қолдирмади. 4:1 – «Монреал» учун нокаут эди.

Хавер Маскерано шогирдлари турнир жадвали етакчиларини таъқиб этишга киришди, жамоа клублар мундиалидаги иштироки туфайли тўртта турни ўтказиб юборган ва агар бу ўйинларда 100 фоизлик натижага эришилса, биринчи ўринга кўтарилиб олиш мумкин.